不懂撒嬌的女人今個星期就大結局啦，咁快結局真係好唔捨得, 好想每晚睇Mall姐鬧人﹑比Saving同Cherry曬到盲啊！其實想要延續套劇都唔係咁難嘅，Cherry同Saving開頭就已經去過台南，分開後又喺台南相遇，台南可以話係佢地故事嘅開始，去佢地去過嘅地方旅行一定令你好似置身喺劇中！ 第1站 台南善化胡厝寮外婆的彩繪牆 胡厝寮哩條村好純樸，住嘅大多數係老人家，而彩繪村嘅出現就係因為一個孫女唔捨得婆婆一個人住喺老家而起。孫女決定既然婆婆唔想搬去市區，咁孫女就將卡通人物同彩繪帶入村陪婆婆！孫女除左有諗頭仲有手藝添!下面嘅龍貓牆就係孫女畫嫁啦，婆婆企喺牆前影相好萌啊！ 婆婆喺孫女畫作前留影 來源：阿春仔放送台 仲有3D感嘅大象 來源：胡厝寮彩繪村Facebook 第2站 阿裕溫體現宰牛肉涮涮鍋 Cherry搭飛機去台灣嘅時候就已經有人推介佢食溫體牛，而我地行程推介大家嘅哩間阿裕溫體現宰牛肉涮涮鍋就勁受台灣本地人歡迎，上佢地Facebook睇評語一律大讚湯頭鮮甜，肉質新鮮嫩滑，仲有唔同部位可以揀，連內臟都有供應添啊！ 牛肉脂肪分佈平均，切得好薄身！