雲南遊記 - 飲食篇

對於雲南的飲食沒有太大的期望，只知道雲南米線係勿食之選。而當地口味比較重，嗜辣，有別於香港人口味, 而同行友人同我都唔食辣 ~ 行程12日當中.....UM…..大概食左二十幾碗米線，番到香港短期內都唔想見到米線呀真係!

以下係小編走遍大街小巷搵到十樣值得介紹嘅食物,，都係當地比較出名/常見嘅! 當中有伏有唔伏, 俾大家參考下!

[if !supportLists]1. 鮮花餅

呢個餅由大理古城開始一直到香格里拉，小編大大話話都試左幾間，最平由 ¥1到幾蚊個都有。比較深刻印象係一間叫 ”嘉華”，有好多間連鎖店，新鮮出爐算比較高質!

[if !supportLineBreakNewLine]

2. 過橋米線

呢碗係土雞過橋米線，土雞係當地幾出名嘅食材，可以話隨處可見。但係…..其實對我泥講都係普通嘅雞，普通米線，我就食唔出有咩特別。

3. 餃子

其實我唔知算唔算係屬於當地嘅野食，但真係幾易係當地小店搵到。小編都繼續食左好多次。 (本人係餃子控可以連續幾餐餃子當正餐架) 當地啲餃同香港食到嘅差唔多，都係韭菜，豬肉咁上下啦!

而下面呢個係街邊檔買嘅炸餃子，叫做比較特別。

4. 臘排骨米線

臘排骨又係另一種雲南常見嘅食材，估計因為高原地區所以醃製肉比較多。味道就唔係每個人都能夠接受。同行友人第一次食冇事，但食多幾次就想作嘔，而我就剛相反，愈食愈覺得好食! 不過我相信都要視乎每間店鋪嘅醃製方法而味道都有所出入。

5. 青粿餅

青粿餅係圖中黃黃地色個塊，我都食過好多好多次。同樣地每間店做出嘅味道始終都有所不同, 第一次其實感覺麻麻，好似一塊無味饅頭，比我感覺純粹用黎塞飽個肚既感覺。但同行既友人對佢另有期望，之後每日都有食...lol 皇天不負有心人，最後都試到一間係好味啲，特別新鮮整既，仲會脆脆地。

6. 雞豆涼粉

雞豆涼粉係左上個碟..呢個真心有啲伏...我同友人好似都係食左一啖冇食，質地似硬身嘅啫喱,食落有啲怪怪地! 不過係當地嘅特產，一試難忘!

7. 火鍋

雲南除左米線外另一樣易過搵廁所嘅野就係火鍋。主要材料有土雞、牦牛、臘排骨、黑山羊呢四樣...係香格里拉食得比較多，因為天氣比較凍。我同朋友都唔食牛，所以冇試過牦牛，而黑山羊我地覺得唔錯，唔太"so”幾好味!

8. 米糕

麗江古城買嘅米糕，食落口感好搞笑，我覺得似紙巾咁。同望落既感覺好唔同，而我就只係鍾意黃色面層，甜甜地有蜜糖味!

9. 酸奶

酸奶=yogurt乳酪，記得有款叫大理味道定麗江風味咁，外觀好似，但食落個味差九仗遠。其中一隻食完即刻想嘔嘅感覺，而另一隻就酸甜適中，幾有奶味，不過我已經唔記得邊個名係好飲個隻! 哈哈!而上圖個杯係丁丁酸奶雪糕，當地都幾出名，但我就覺得普普通通啦，好似香港某幾間大型frozen yogurt仲好味好多!