泰國美食一試難忘

芒果糯米飯 芒果糯米飯係泰國經典甜品，由香甜嘅芒果切片同糯米飯組成，再淋上清甜嘅椰漿，特別清新爽口，食完飯無左佢點會滿足！

冬蔭公

冬蔭公被譽為泰國嘅國湯，湯底採用泰國特有嘅配料烹調而成，例如有檸檬葉﹑香茅﹑青檸檬﹑辣椒﹑魚露等，口感酸辣豐富，仲有好多海鮮添！

泰式炒河粉（PAD THAI）

PAD THAI 是泰國最經典嘅美食之一。主要食材有魷鱼、鮮蝦、豆腐乾、榨菜等，由於加入左泰式甜辣酱，所以口感偏酸甜，河粉亦較為幼身黏口。泰式炒河粉嘅配菜仲有芽菜﹑青檬﹑花生碎，食用前先可以按個人喜好加入配料，令味道更豐富。

咖喱蟹

係每間泰式餐廳嘅必備菜式，用新鮮肥美嘅蟹搭配泰式咖喱，再加上蛋液造成蛋花，哩道菜就算喺香港泰國餐廳都非常受歡迎，去到泰國更加要試下最地道嘅做法。

椰子雪糕

椰子冰淇淋雪糕係將椰子劈開，將椰汁倒出，挖出椰肉，然後將雪糕同椰肉放番入椰子殼，可以一邊嘆雪糕一邊飲椰汁。仲可以加埋其他配料一齊食，好似红豆﹑花生﹑龜苓膏等等。

青木瓜沙拉

青木瓜沙律源自泰北，沙律内有青木瓜絲、蕃茄、豆角、辣椒仔、蒜粒、魚露、蝦米等，再加上椰糖同檸檬汁，口感酸甜爽口，特別開胃，食完海鮮同串燒再食兩啖就岩啦。

青檸蒸鱸魚

鱸魚肉質細嫩，青檬味道清新，再配上泰國獨有香料，不但保留左鱸魚嘅鮮甜，又可以辟走腥味，個湯仲有魚嘅鮮味，記得要試下啊！