【輕遊泰國】遊泰必食十大bucket list！

對於窮遊旅人來講，泰國真係個天堂黎！無他嘅，只因為泰國玩味多多，而物價又平，性價比相當高！

Yes Master! GO 精選推薦去泰國必食items，遊泰新手bookmark定啦！

海南雞飯

唔好以為得新加坡嘅海南雞飯好食，泰國嘅海南雞飯亦一樣咁出名！

海南雞飯係另一道泰國平民美食，雞肉通常都皮薄肉嫩，而且價格都好平，一碟大概港紙10-20蚊左右，食完一碟唔夠喉再叫多碟都唔會肉赤呀！ 而曼谷最受遊客歡迎嘅，就係水門雞飯啦！

串燒

串燒基本上在每個夜市都可以見到佢嘅蹤影，泰國串燒比起香港嘅味道更濃，醬汁更惹味。而基本上任何材料都可以串燒，不過泰國嘅通常都係串燒雞、鴨及豬等家禽為主。

冬蔭功

冬蔭功，是一道著名的泰國酸辣湯，一般由南薑、酸子、香茅、青蔥、酸檸檬、辣椒和魚露調製而成。

香港人鍾愛味道濃烈嘅泰菜，而泰國食材豐富，海鮮通常用來做冬蔭功，鮮味加上泰菜勁辣味，正宗冬蔭功就係其中一個必去泰國嘅理由！

泰式米粉湯

泰式米粉湯係一道泰國平民美食，係街頭隨處可見，通常有豬、牛、雞肉比你揀，配上香料、芽菜等。

個湯底先係精髓，中意食椒可以加啲酸辣椒水令味道層次更豐富！

::: 四圍食

泰國係熱帶地方，盛產水果，有水果王國嘅美譽，很多旅人去泰國都食水果產品食到無停手！

芒果／芒果糯米飯

泰國芒果收成期係每年嘅2-6月，呢段時間入面食到嘅芒果係最香甜最多汁嘅；

生嘅芒果酸甜清脆，通常會用來整涼拌菜；至於熟嘅芒果，當然要食芒果糯米飯啦！

芒果糯米飯加椰汁，望落都唔大份，但其實食落就知好飽肚！泰國芒果都特別香甜，而每一客都會奉上原隻芒果，足料又好味！

青木瓜沙律

青木瓜沙律本是寮國菜，也流行於泰國之後，成為著名的泰國東北菜。泰式沙律因應地理環境和口味不同而添加不同的食材，青木瓜在香港不容易買到，要食正宗青木瓜沙律，就要到曼谷啦～

椰子冰

係泰國椰青就飲得多啦，又有冇試過椰子冰呢？

泰國街邊既小食檔同市集都唔難搵到，老闆會用椰子殼裝食材，薄薄的椰子果肉，加上椰子冰淇淋，有時候仲可以比你揀番幾款配料架！ 一客椰子冰只需數十泰銖，非常爽口、解暑又夠平！

水果冰沙

水果冰沙係街邊好易見到有，熱辣辣既天氣食番杯絕對係透心涼。但買之前都要留意下間攤檔乾唔乾淨先決定呀！

泰式奶茶

食泰式菜一定唔少得一杯泰式奶茶， 飲過絕對會上癮！泰式奶茶顏色係偏橘紅色嘅，味道偏甜，入口有種特殊茶葉香味，加埋煉奶，飲完一次返唔到轉頭啊！